„საქართველოს სასამართლო ანთროპოლოგიის ასოციაცია“ შეიქმნა 2021 წელს. ის წარმოადგენს ქართველი ანთროპოლოგების, არქეოლოგებისა და ოდონტოლოგების გუნდს. ასოციაციის მთავარი მიზანია, ისტორიულ თუ საექსპერტო შემთხვევებზე მუშაობისას, სახელმწიფოსთვის დახმარების გაწევა, სამარხების კვლევაში მსხვერპლთა იდენტიფიცირებასა და მათ ღირსეულ დაკრძალვაში, დაკარგულთა ოჯახის წევრებთან მჭრიდრო თანამშრომლობის საფუძველზე.
სასამართლო ანთროპოლოგია არის სასამართლო მედიცინისა და ანთროპოლოგიის დარგების სამეცნიერო- პრაქტიკული მიმართულება, რომელიც დახმარებას უწევს სახელმწიფოსბუნებრივი კატასტროფების დროს, შეიარაღებული კონფლიქტების შედეგად, და ისტორიულ შემთხვევებზე მუშაობისას, მასობრივი მსხვერპლის არსებობის შემთხვევაში, ამოუცნობ პირთა იდენტიფიცრების პროცესში. სასამართლო ანთროპოლოგიის საკვლევ ობიექტს წარმოადგენს ადამიანის ჩონჩხი. სასამართლო ანთროპოლოგიის ლაბორატორიაში მიმდინარეობს ნეშტების სასამართლო ანთროპოლოგიურ კვლევა, რაც გულისხმობს: ნეშტების რეკონსტრუქციას, ინდივიდის სქესის, ასაკის, სიმაღლის დადგენას, ჩონჩხის ტრავმის ანალიზსა და პათოლოგიების შეფასებას, კვლევის შედეგების დოკუმენტაციას, დასკვნის შედგენას.